काठमाडौ, कात्तिक ६ - देशभर तिहारको
चहलपहल बढेको छ । बजारमा किनमेल गर्नेको उत्तिकै घुईंचो छ । काठमाडौं
उपत्यकाका मुख्य बजार असन, नयाँ सडक, मंगलबजार, लगनखेल लगायतका ठाउँमा
खुट्टा राख्ने ठाउँ समेत पाउन मुश्किल पर्छ ।
फूलमाला, भाइमसला, पाला, बत्ती लगायतका
सरसामान किन्नेको शहरभरी घुईंचो लागेको छ । यसवर्ष तिहारमा चाहिने
सरसामग्रीको भाउ महंगो भएको उपभोक्ताले बताएका छन् । विशेषगरी तिहारमा धेरै
प्रयोग हुने भाइमसला, फलफूल, फूलका माला र सजावटका सामाग्रीको भाउ बढेको
हो । यस्ता सामान खरिद गर्नेको घुईंचो लाग्न थालेपछि व्यापारीले आफ्नै
ढंगले भाउ बढाउन थालेका उपभोक्ताले बताएका छन् । उनीहरुका अनुसार एउटै
गुणस्तर भएका सामानको भाउ पसलपिच्छे फरक छ ।
