पुस १२, तनहुँ – शुक्लागण्डकी नगरपालीका २ कवासेका सुरज पौडेलले १८ वर्षको उमेरमा नै व्यवसायीक च्याउ खेती गरेर आम्दानी लिन थालेका छन । भर्खरै हेटौडामा कृषि पढ्दै गरेका पौडेलले कलेज विदा भएको फुर्सदको समयमा घरभित्रैको कोठामा पहिलो चरणमा ६० पोका कन्ये च्याउ लगाएर व्यवसायीक च्याउ खेती शुरु गरेको छन ।
च्याउ खेती शुरु गरेको जम्मा २८ दिन भएको वताउने सुरज ले च्याउ खेतीको राम्रो सम्भावना भएको र वजारवाट पनि राम्रो माग आएको वताए । यो विचमा उनले प्रति किलो २२० रुपैंयाका दरले ४० किलो भन्दा वढि च्याउ वेचीसकेको वताए । च्याउका पनि विभिन्न प्रकारहरु हुने भएकाले र वजारमा पनि च्याउको माग राम्रो भएकाले सवै प्रकारका च्याउ खेती गर्ने आफ्नो योजना रहेको उनले सुनाए ।
प्रत्येक दिन हजारौको संख्यामा युवाहरु वैदेशीक रोजगारीको लागी विदेश पलायन भैरहेको वेला सरकारले कृषि क्षेत्रमा लाग्ने लाई प्रोत्साहन गर्न सके र व्यसायीक कृषिको लागी विभिन्न खालका तालीमहरु दिन सक्ने हो भने पनि स्वदेशमै वसेर पनि केही गर्न सकिने सम्भावना रहेका पौडेलले वताए ।
