अख्तीयारले योग्यताको फाइल मागेपछि तनहुँका शिक्षकहरुद्धारा धमाधम राजीनामा ।।

मंसिर २४, तनहुँ – अख्तीयारले शिक्षकहरुको शैक्षिक योग्यताको फाइल मागेको छ । आयोगले शैक्षिक योग्यताको फाइल मागेपछि तनहुँका शिक्षकले धमाधम राजीनामा दिएका छन । अख्तियारले शिक्षकको सतीफिकेट मागी सकेपछि जिल्लाका शिक्षकहरु धमाधम राजीनामा दिन थालेका हुन ।राजीनामा दिने शिक्षकहरुमा अधिकाश प्रावि तहका रहेका छन । कुनै शिक्षकले उमेर हकबन्धीका कारण राजीनामा दिएका छन भने कुनैले आफ्नो शैक्षिक योग्यता प्रति शंका भएकाले त कुनै ले भने स्वइच्छाले राजीनामा दिएको जिल्ला शिक्षा कार्यालय तनहुँका साहयक जिल्ला शिक्षा अधिकारी बाबुराम देवकोटाले जानकारी दिनुभयो ।

   जिल्ला शिक्षा कार्यालयले तनहुँमा कार्यरत शिक्षकहरुलको शैक्षिक योग्यताको फाइल अख्तियारमा पठाइसकेको जिल्ला शिक्षा कार्यालय तनहुँले जनाएको छ । तनहुँमा राहत र दरबन्दी गरी २ हजार ९ सय ४६ जना शिक्षकहरु रहेका छन ।